Hierdie is die belangrike jaar waar ons gereed maak vir Graad 1. Elke leerder se sterkpunte en behoeftes word erken en op 'n individuele manier ontdek.
Sosiale en emosionele teikens:
Aanmoediging van onafhanklikheid.
Moet in staat wees om emosies uit te druk.
Neem verantwoordelikheid vir hulle aksies.
Kleuters is trots op hul werk en kan daaroor praat.
Kleuters is in staat om drie opeenvolgende instruksies te kan uitvoer.
Moet in staat wees om 'n storie te kan oorvertel.
Kleuters is in staat om te kan speel sonder om afknouerig te wees en om te deel.
Lysie van skoolgereedheid
Kan u kleuter die volgende selfstandig doen?
1. Haar-/homself aan- en uittrek
2. Sy/haar eie knope vas- en los maak
3. Veters vasmaak
4. Sy/haar naam skryf
5. Inkleur
6. Op 'n reguit lyn knip
7. Skeur en plak
8. Vorms natrek
9. Legkaarte bou
Voldoen u kleuter aan die volgende punte rakende woordeskat?
1. Hy/sy praat suiwer Afrikaans en gebruik die regte uitspraak, byvoorbeeld “ma” en nie “mô” nie of “huis” en “hys” nie
2. Hy/sy gebruik nie babataal praat nie, byvoorbeeld “Hom se skoene”.
3. Hy/sy kan na ‘n opdrag luister en uitvoer wat een keer gegee is.
4. Hy/sy groet ander mense.
1. Hy/sy kan die vorm wat nie pas nie, uitken.
2. U kleuter kan onthou wat gesien is, byvoorbeeld as daar 5 voorwerpe uitgepak word en weer weggeneem is, kan u kleuter noem wat weggeneem is.
3. U kleuter kan 'n reguitlyn natrek.
4. U kleuter kan 'n reguitlyn tussen twee lyne trek.
1. U kleuter kan die verskil hoor en aandui as 'n paar woorde soos “kap” en “kat” gesê word.
2. U kleuter kan klanke (byvoorbeeld “b – v – w – r) identifiseer terwyl die kleuter met sy/haar rug na jou toe staan en u die klanke opsê. U kleuter kind moet die klanke kan herhaal. Klanke kan geleidelik meer uitgebrei word.
3. U kleuter kan onthou wat hy/sy hoor. Byvoorbeeld om ‘n paar syfers wat opgesê is, te herhaal. Begin byvoorbeeld met 3 syfers en maak dit geleidelik meer.
4. U kleuter kan 'n kort sin herhaal.
1. U kleuter kan 'n bal gooi, bons en skop
2. U kleuter kan balanseer (laat kleuter op een been staan)
3. Hy/sy spring op alternatiewe voete
4. Hy/sy kan oor voorwerpe spring
5. U kleuter kan touspring
